Dairas

Parabéns!!!

2011-11-29T11:03:00.003+01:00

Que se me gustou a película? Moito. Verdadeirametne moito. Felicita ás rapaces e rapaces e tamén ao profesorado porque é un traballo que se ve con gusto e emoción.
Tamén disfrutei moito da lectura dos poemas do libro, algúns dos autores e autoras bos e admirados amigos meus.

XABIER P. DOCAMPO

Veño de ver o voso traballo e, certamente, aínda estou abraiado e as imaxes e a música fican gravadas na memoria. Os meus máis entusiastas parabéns para ese alto exemplo de solidariedade e arte. Si, señor. Felicita a tod@s da miña parte.

Unha forte aperta,

Antón Riveiro Coello

Estimados compañeiros e compañeiras de profesión do IES Manuel García Barros:

Quero felicitar, así, en fresco, ao IES ao completo e en especial ao equipo DAIRAS por esa marabilla de traballo arredor do Sahara.

Soubestes, de certo, estar "onde as mans enfrían" para quecer corpo e alma de quen case non ten mans para estender... estivestes alí...

Ata nos silencios se escoitaba a vosa voz potente, a vosa protesta...

Tende por seguro que a vosa canción voará por riba dos tellados do mundo.

Fixestes un traballo magnífico e difícil, moi difícil. Pode que ao alumnado participante non lle acorde en que momento aprenderon a distinguir as "adverbiais" das "de relativo", pero iso non o van esquecer...

Parabéns por tanto.

Ben seguro que chegarán máis recoñecementos, todos merecidísimos.

Unha forte aperta para todo o equipo Dairas

Fina Casalderrey

Donación 8000 euros

2011-11-18T11:29:00.002+01:00

Fixéronse entrega de 8000 euros (5000 en metálico e 300 libros, que se encargaron de vender a propia asociación, de momento. Faltan 2000 euros máis da edición do libro dvd, que entregaremos unha vez vendidos todos.
Mesmo cabe a posibilidade de sacar á venda unha segunda edición!!!

Donación Dairas prensa

Dairas, unha curtametraxe de animación.

2011-11-17T09:04:00.000+01:00

“ Dairas pretende unha reflexión á realidade de miles de persoas que padecen as consecuencias das guerras, das disputas do territorio....

Miles de nenos viven ao límite cada día, coa esperanza de poder cambiar o seu destino.

Este traballo, debe ser quen de transmitirnos a crúa realidade de un campamento de refuxiados, guiados por unha personaxe principal, Ahmed, coa ilusión e convencemento de que é posible unha situación mellor.

As ferramentas a utilizar son a fotografía, modelado de plastilina, música...

Pero o máis importante, a mellor ferramenta coa que contaremos, será o factor humano, a ilusión e adicación dos nosos alumnos e alumnas " Miguel Carbajal.

Entrega de recadación

2011-11-17T08:57:00.002+01:00

O xoves 27 de novembro de 2011, no segundo recreo e na sala de usos múltiples, entregarase a recadación do libro á ONG GALICIA SOLIDARIA CO POBO SAHARAUÍ.

Os fondos serán destinados á construcción dunha escola no campamento de refuxiados de TINDOUF.

Finalistas!!!

2011-07-27T19:03:00.001+02:00

Desde la Oficina Técnica del Premio a la Acción Magistral nos complace ponernos en contacto con usted para notificarle que el proyecto que usted presentó titulado “DAIRAS. Cortometraje inspirado en campamento refugiados Tindouf: http://dairasmgb.blogspot.com” ha sido uno de los finalistas de la Categoría B en la fase de Evaluación Autonómica. Esto significa que su candidatura se elevará a la Comisión de Evaluación Estatal como proyecto recomendado.

Este é o correo que recibía hoxe con tan fantástica noticia.
O premio á acción maxistral é un recoñecemento ó autor, nembargantes isto non sería posible sin o traballo de tantas persoas implicadas e responsables. Parabéns á comunidade " DAIRAS " e coma sempre, unha aperta especial a todo o alumnado do Taller de Creación Artística.

http://premio.fad.es/

TVG

2011-06-07T00:52:00.005+02:00

Unha reportaxe realizada pola TVG sobre o proxecto do libro e dvd.

Para ver o vídeo de Dairas comezar en: 1:08

Dairas na TVG

2011-05-20T10:21:00.001+02:00

O venres día vinte, a TVG fará unha reportaxe sobre a presentación do libro e DVD "DAIRAS"
Estarán presentes:
Carlos Loureiro, coordinador do libro.
Miguel Carbajal, autor e director de Dairas

Presentación libro e dvd, un novo paso.

2011-05-14T17:08:00.003+02:00

Na presentación do libro e dvd "DAIRAS" levada a cabo no día de onte 13/05/11 no museo MOME de A Estrada, perante numeroso público, a presidenta da ONG "Solidaridade Galega o Pobo Saharauí" dona; Maite Isla, fixo público o seguinte:

"Despois de teren unhas conversas co Ministerio, decidimos que os cartos da recadación do libro e dvd, serán empregados en abrir unha nova escola nos campamentos de Tindouf, esta nova escola levará o nome do voso IES Manuel García Barros"

A noticia, inesperada, emocionounos a todos. Non só aos implicados, senón tamén aos que asistiron ao acto, que por certo, foron moitos e mercaron moitos libros.

Na mesa estiveron:

Marta Rodriguez, como representante dos alumnos/as.

Gisele Maisa, directora do IES.

Maite Isla, presidenta Galicia Solidaria co Pobo Saharauí.

Carlos Loureiro, como coordinador do libro.

Miguel Carbajal, como autor e director da obra Dairas.

Entre os asistentes tamén contamos coa presencia dos poetas que colaboraron no libro, a diseñadora da portada, a familia Abdulkader Sande ( responsables da tradución ó árabe dos poemas ) o director do MOME, Xosé Luna. Tamén contamos coa prencia do concelleiro de cultura, Sr. Sanmartín Obelleiro, en representación do Concello de A Estrada . O cal fixo entrega de un agasallo a Miguel Carbajal, como director do Taller de Creación Artística do IES García Barros.
Tamén contamos coa presencia de numerosos alumnos/as que participaron no traballo, e como non, sempre presente e disposto a traballar, Xoán Xosé Pérez; director artístico de Dairas.

Noraboa a todos/as que confiastes no proxecto e aportastes o voso traballo.

Miguel Carbajal.

Certamen curtametraxes

2011-05-10T16:11:00.003+02:00

Dairas estará presente no Encontro do Audiovisual Galego

O encontro terá lugar o venres 27 de maio de 2011 entre as 10.00h e as 20.00h. Pola mañá, a Casa de Cultura do Concello de Porto do Son acollerá a proxección dos traballos escolares e a entrega do XII Premio Leixaprén. O encontro trasladarase pola tarde ás instalacións do IES de Porto do Son, no que se desenvolverán os obradoiros formativos e o foro dos docentes.

Confirmado

2011-05-04T10:43:00.001+02:00

O vindeiro venres trece de maio, faremos a presentación do libro e dvd de " Dairas "
Lugar museo MOME.
Xa se poden mercar nos seguintes lugares:
Librería Alberte Quiñoi
Librería Durán
Bar A Farola
Argentinos Burguer
Bar Porto- Taberna de Ouzande
Bar Andalucía
I.E.S. García Barros

Dairas libro e DVD

2011-05-02T14:33:00.000+02:00

Xa presentamos o poemario e dvd de Dairas. ( prensa )
Agora teremos que vender 1000 libros para recadar 10.000 euros e envialos ó campamento de refuxiados de Tindouf.
Alumnos e alumnas que traballastes tan duro.... agora estamos moi preto do final!!
Segundo informou o profesor Carlos Loureiro, é probable que o vindeiro venres trece de maio, poidamos facer unha presentación no MOME da Estrada. Ainda non está confirmado o día e a hora, pero é probable que sexa ese día. Atentos ó blog, en canto saibamos os detalles xa o publicamos.

think1tv

2011-04-29T18:59:00.003+02:00

Moitas grazas a THINK1TV por subir a curtametraxe Dairas á súa tv.
Think1tv é un proxecto fascinante, que puidemos descubrir no Congreso Nacional de Educación 2.0
Podedes entrar e ver o seu proxecto, e tamén podedes ver " Dairas " en portada, no apartado " Outras voces"

Dairas educación

2011-03-25T17:54:00.005+01:00

Dairas estará presente en numerosos foros educativos.
29 marzo: I.E.S Antón Losada e Nº 1 de A Estrada
13, 14 e 15 de abril: II Congreso Escuela 2.0 - Zaragoza ( congreso nacional de educación )
29 abril: I.E.S Aller Ulloa de Lalín
30 abril: IES Universidade Laboral de Culleredo ( xornadas de innovación educativa )

As ponencias dos congresos e conferencias serán levadas a cabo por:
Miguel Ángel Carbajal Porto: Autor e Director de " Dairas "
Xoán Xosé Pérez Vieitez: Director artístico.
Grazas a tódolos profesores/as que participastes, de unha ou outra maneira, neste traballo.
Pero sobre todo, grazas a vós... alumnos/as que fixestes posible que ese soño se convirta en realidade !!!
Uns " bonecos de plastilina " lembrades ?

Premios á innovación educativa

2011-02-22T10:13:00.004+01:00

Premios

Preme

Suma e segue...

2011-01-07T11:58:00.000+01:00

Dairas proxéctase na mostra Audiovisual de Vedra

http://senunpeso.org/index.php/mostra.html

Primeiro premio á innovación educativa

2010-11-24T15:58:00.005+01:00

Esta é a resolución efinitiva dos premios á innovación educativa.

Categoría ESO/bacharelato:
1º premio:
- Un primeiro premio
Título do proxecto: Dairas
Coordinador: Miguel Ángel Carbajal Porto
Participantes:
· Xoan Xosé Pérez Viéitez
· Álvaro Pérez Vilariño
· María José Varela Frade
Centro educativo: IES Manuel García Barros. A Estrada.
(Pontevedra)

" Alumnos e alumnas que traballastes no proxecto e sobre todo que estivestes nos momentos bos e malos. Os máis comprometidos, e os que máis aportades a tódolos traballos sodes vós...noraboa e grazas polo voso traballo "
Miguel Carbajal

Dairas en Curtopia

2010-11-17T08:59:00.004+01:00

Dairas foi proxectada no día de onte na mostra de animación galega dentro da programación oficial .Certame internacional CURTOPIA de Vigo.
Os profesores Xoán Xosé Pérez e Miguel Carbajal asistiron ó acto e puideron explicar o proxecto aos espectadores.

É moi emotivo ver proxectada a curta nestes foros. A proxección realizouse no museo de arte contemporáneo " MARCO "

Ó remate do acto xuntámonos os representantes dos traballos seleccionados coa dirección do festival para tomar un pincho...a dirección fíxonos saber que Dairas tivera moi boa acollida.

En representación do IES acudiron á cita dous profesores e un alumno que participaron na curta.

Ó finalizar as proxección xuntámonos nun local fantástico onde se respiraba arte por todas partes. Un local moi agradable situado mesmo detrás do museo. Neste espazo compártense numerosas perspectivas artísticas... cadros ou manualidades, e mesmo mesas e cadeiras restauradas e adaptadas por varios artistas, ademais de ser un lugar onde podes tomar algo. Aquí podemos ver a Xoan Xosé e Miguel charlando.....posiblemente sobre un próximo proxecto....

Nesta outra foto estamos os participantes do taller desprazados a Vigo, cos directores de Curtopia

Unha vez máis noraboa a todos/as alumnos/as que fixestes posible este soño...a recompensa é para todos, o mérito é voso.

Carta escrita polo compañeiro e amigo Carlos Loureiro

2010-11-11T21:00:00.000+01:00

Esta é a carta que esribiu Carlos Loureiro para invitar a participar no proxecto solidario ás/ós amigos poetas de Tabeirós Terra e Cuntis.

Prezado amigo......................:

Tal e como che comentara nun correo anterior sobre o proxecto dunha obra poética solidaria co pobo saharahui e tomando como base referencial a obra de DAIRAS, pois dicirche que isto vai para adiante e xa estamos a traballar polo que che pido a túa colaboración lírica. A idea é que a venda íntegra dos 1000 ou máis libros que se editen vaian para unha escola de Tinduf. Esta obra levaría unha serie de poemas centrados na temática do Sáhara, tan noticiábel precisamente estes días, a súa tradución ao árabe e tamén o DVD da obra DAIRAS. Consideramos que, ademais do seu aspecto solidario, isto pode ser unha ferramenta de traballo nas aulas ou en calquera outro espazo cultural. Como base de inspiración podes tomar toda a información que se poida achar no blog de DAIRAS, presente na nosa páxina web do centro (con pór “ies manuel garcia barros” en google xa vas entrar na nosa páxina e alí, do lado dereito vas encontrar o partado de “dairas”; por desgraza o máis importante está ao comezo, que no blog terás que ir até o final, xa que está temporalmente desde o comezo até agora) onde verás as ideas primixenias do Miguel Carbajal, de como concebiu a obra e demais...

Desde logo que canto antes estean nas nosas mans os poemas, máis pronto poderemos mandalos a traducir e a artellar a obra; pensamos que como máximo interesaría que nos chegasen antes do 11 de Decembro. Gustaríanos poder ter a obra nas nosas mans en xeneiro. Así que nos vaian entrando xa imos traballando, pero para esa data comezamos coa enmaquetación do libro, que levará dúas introducións: unha de Miguel Carbajal, o gran artífice da orixe deste proxecto, e outra do grande mestre, don Xosé Neira Vilas. Canto á extensión, non me gusta pórlle fronteiras á expresión polo que o deixo ao teu dispor. O libro está configurado con 56 páxinas para todo e a previsión está nuns/nunhas 20 autores/-as de Tabeirós-Terra de Montes-Cuntis...

Ben, recibe xa un solidario agradecemento e non dubides en preguntar calquer dúbida.

Carlos Loureiro

PREMIOS CREARTE

2010-11-04T12:14:00.000+01:00

Dairas na prensa

Dairas proxéctase entre os mellores

2010-11-04T10:35:00.002+01:00

É un soño feito realidade. Dairas será proxectado nun festival que nos amosa uns traballos da máxima calidade. Obviamente, a nósa calidade técnica non pode igualarse ós traballos profesionais...pero estamos aí...

MOSTRA DE ANIMACIÓN GALEGA – CURTOPÍA 2010

MARTES 9 de NOVIEMBRE de 2010

1) CHECKOUT – Ficción Producciones (2010)

2) 1977 – Peque Varela (2007)

3) RUN WITH THE WOLVES – Irreal Studio (2010)

4) O COIDADOR DE GATOS – Artefacto Producciones (2008)

5) LELO Y LAS ESTACIONES – MCCD (2008)

6) DON SEÑOR E O HOME DO SOÑO – Domovoi Dixital (2007)

7) O PINTOR DE CEOS – Jorge Morais (2009)

8) VICENTA – SAM/IB Cinema (2009)

MARTES 16 de NOVIEMBRE de 2010

1) A NENA QUE TiÑA UNHA SOA ORELLA – Rubén Coca (2009)

2) A MEIGA CHUCHONA – ArteAutor (2007)

3) O RAIO TRANSPARENTE – Pancho Lapeña (2009)

4) DAIRAS - I.E.S. García Barros de A Estrada (2010)

5) PASO A PASO – MCCD (2007)

6) EL TELE CARRITO – MCCD (2009)

7) CRIBBA O VAMPIRO – MATRIUSKA (2008)

8) O SOLDADIÑO DE CHUMBO – Continental Producciones (2008)

CARTEL

Novo pase de Dairas

2010-11-02T20:46:00.000+01:00

Dairas será proxectada en CURTOPÍA EDUCACIÓN . Ao marxe de seren proxectada no festival internacional " Curtopía " tamén será proxectada nesta mostra de traballos educativos, xunto con traballos de outros colexios:
Proxecto Integrae do IES Castelao de Vigo, a curta A galiña Azul do CEP Fleming de Vigo, a curta Defendamos o Noso, Defendamos o Galego do IES Pedras Rubias de Salceda de Caselas, e o proxecto do CGAC e o ASAC Desde a miña fiestra.

A mostra será o Sábado 20 de Novembro as 18.00h no auditorio do Centro Cívico de Teis, en Vigo

Recoñecemento público do Concello de A Estrada

2010-10-31T19:47:00.002+01:00

Acto celebrado o día 30 de outubro no teatro principal de A Estrada. O Sr. Alcalde José A. Dono fai entrega de un agasallo para o noso I.E.S. En recoñecemento ao traballo do Taller de Creación Artística do M.G.B

Neste acto fíxose entrega de uns diplomas aos participantes no proxecto Dairas.

En breve veremos as fotos dos alumnos e profesores na galería de imaxes.

Felicitación do Conselleiro polo premio Crearte

2010-10-26T11:10:00.003+02:00

O Conselleiro de Educación, Sr. Jesús Vázquez Abad, vén de enviar unha felicitación á Dna. Giséle Maïssa, directora do MGB, onde lle transmite "a súa noraboa persoal e da Consellería polo premio Crearte, que supón para o MGB a consideración de centro creativo de referencia nacional para o Ministerio de Cultura, sendo o primeiro instituto galego en acadar este recoñecemento". Podedes ler aquí a carta completa.

Obxectivo final

2010-10-25T10:31:00.001+02:00

Está a comezar a operación " DEZ MIL "

En breve poderemos dar máis datos sobre este importante traballo..." unha promesa incumprida é unha traizón "
Trataremos de cumplir a nosa....grazas Carlos Loureiro e Xosé Luna polo voso traballo e apoio.

"Dairas", gañadora dos premios Crearte 2010

2010-10-21T16:57:00.005+02:00

"Dairas", a curtametraxe de animación stop-motion do Taller de Creación Artística do MGB vén de recibir un novo galardón.

Neste caso trátase dos Premios Crearte 2010, convocados polo Ministerio de Cultura para o fomento da creatividade no ensino secundario (modalidade B, BOE luns 15 de marzo de 2010).

O premio consta dunha dotación económica de 23.000€ e dunha acreditación do Centro por parte do ministerio de educación como "Centro Educativo Creativo".

Na imaxe podemos ver aos profesores que forman parte do proxecto: Miguel Carbajal, Xoan Xosé Pérez, María Varela e Álvaro P. Vilariño.

Podedes ver as reseñas aparecidas na prensa:

Teatro Principal

2010-10-20T11:56:00.002+02:00

Haberá unha nova proxección de "Dairas" no Teatro Principal de A Estrada.

Será o vindeiro 30 de outubro ás 21h. A entrada é gratuita.

Dairas seleccionada para "Cortomieres"

2010-10-06T18:14:00.004+02:00

Confirmado. Dairas será proxectada no Festival Cortomieres, o "Festival de cortometraxes de Mieres", que terá lugar nesta localidade asturiana dende o 21 ata o 28 de xaneiro de 2011.

De momento non sabemos as datas nin a categoría.

Dairas premiada no festival de Ourense

2010-10-05T23:02:00.008+02:00

A Curtametraxe de animación do Taller de Creación Artística do M.G.B. resultou gañadora do 3º premio, na XV edición do festival Internacional de Cine de Ourense, sección Ouff escola. Podedes ler aquí unha crónica do acto.
O nivel de esta edición foi moi alto, incluso competimos con actores profesionais da talla de Xosé Manuel Oliveira " Pico " o que fixo, coma sempre, unha fantástica interpretación.
Acadando o segundo premio a curta na que él era protagonista.

O primeiro premio correspondeu ao IES Europa de Ponferrada, coa súa obra "Xemelgos", e o segundo ao IES de Porto do Son, polo seu traballo "Mar", que podedes ver aquí.

Parabéns á gran familia que formamos DAIRAS

Apertas a tod@s
Nota: Dairas fará un pase de " Honra " o día 30 de outubro, no Teatro Principa de A Estrada.

Parabésn da comunidade cinematográfica

2010-10-05T20:09:00.002+02:00

Un gran traballo!

Dende " Cinestable " felicitámosvos pola vosa labor cinematográfica e solidaria.
Saúdos e moita sorte!

Gañadores dos premios Ouff Escola 2009

2010-09-30T12:12:00.006+02:00

Podemos ver aquí os gañadores do certame Ouff escola 2009 do XIV Festival Internacional de Cine de Ourense.

En YouTube atopar algúns deses traballos premiados, como "Non Tocar I", do CPI de Xanceda, ou "Pequenas obsesións", do IES de Cacheiras.

Estaremos na lista de premiados do 2010?

Felicitacións do festival "Cortópolis" dende Córdoba, Arxentina

2010-09-30T12:00:00.003+02:00

Onte recibimos un correo-e de Diego Pigini, membro da organización do festival Cortópolis, onde nos felicitaba polo traballo realizado e lamentaba que xa cerraran a programación para admitir a "Dairas" no mesmo.

Dairas en Curtopía 2010

2010-09-28T10:37:00.005+02:00

Dairas foi seleccionada na Mostra do I festival Internacional de curtametraxes de Vigo, Curtopía 2010. Este feito podería supoñer tamén a participación dos membros do noso equipo nunha mesa-coloquio xunto a profesionais da animación. Aínda non hai datas definitivas, pero será no mes de novembro. Podes seguir as últimas novas deste certame a través do seu blog.

Dairas no Festival de Cine Internacional de Ourense

2010-09-14T15:29:00.004+02:00

Representantes do Taller de Creación Artística do MGB desplazaranse a Ourense o vindeiro 5 de outubro de 2010 para asistir a entrega de premios do II certame OUFF ESCOLA, dentro do XV festival internacional de cine de Ourense, na cal se proxectarán os traballos gañadores nas salas cinematográficas vinculadas ao festival.

Editarase un DVD cos traballos gañadores. Todas as obras presentadas recibirán un certificado acreditativo da súa participación.

Non se concederán premios ex-aequo. De estimar o xurado que os traballos non reúnen a calidade suficiente, os premios poderán ficar desertos.

Estrea de "Dairas". Mércores 23 de xuño.

2010-06-24T12:09:00.000+02:00

Onte tivo lugar, nun Teatro Principal abarrotado, a estrea de "Dairas". Podedes ver neste álbum as imaxes do acto (fotografías de Miguel Bugallo).

Na imaxe, o profesor Miguel Carbajal, director da curtametraxe, pronunciando unhas palabras antes da emisión da película.

Dairas en Estrada-Televisión

2010-06-19T11:50:00.006+02:00

Rolda de prensa celebrada o pasado mércores 16 de xuño no Concello da Estrada.

Glog para Dairas

2010-06-15T21:14:00.001+02:00

Os alumnos de TICs de 1º de Bacharelato realizaron varios Glogs (pósters multimedia) para a estrea de Dairas. Este foi o que máis gustou, aínda que a elección foi moi difícil, pois o nivel estaba alto. A súa autora foi Sue Sánchez. Grazas Sue! Podes velo mellor en Pantalla grande.

Segundo pase o luns 28 de xuño

2010-06-15T18:07:00.003+02:00

Anunciamos dende aquí un segundo pase de Dairas no Teatro Principal da Estrada, unha vez esgotadas as entradas do primeiro.

Será o vindeiro luns 28 de xuño, ás 21:00 horas.

Completo!

2010-06-15T13:48:00.005+02:00

No transcurso da mañá de onte as entradas para a estrea de Dairas o vindeiro mércores 23 de xuño no Teatro Principal da Estrada, "voáronnos" literalmente das mans. Haberá pois un cheo absoluto para presenciar a primeira curtametraxe de animación do Taller de Creación Artística do MGB. Estamos intentando conseguir un segundo pase para toda aquela xente que quedou sen entrada.

Estrea de Dairas

2010-06-10T00:03:00.005+02:00

Hoxe presentamos aquí o avance da nosa curta. A súa estrea terá lugar o vindeiro mércores 23 de xuño, ás 21:00 horas, no Teatro Principal da Estrada
Guión orixinal e dirección : Miguel A. Carbajal .

Antony Hegarty danos permiso para usar a súa música

2010-06-07T14:21:00.002+02:00

Hoxe recibimos un correo da axencia musical que leva os dereitos de Antony Hegarty, membro da formación Antony and The Johnsons e compositor do tema "Hope's There's someone", que formará parte da BSO de Dairas, onde nos concedía a licenza para usar a súa música na nosa curta. Unha máis das numerosas colaboracións desinteresadas que estamos conseguindo para o noso proxecto. Dende aquí o noso agradecemento.

Grazas Antony!

Galería de imaxes de Dairas para a estrea do 23 de xuño

2010-06-02T18:59:00.000+02:00

Xa estamos quentando motoroes para a estrea de "Dairas". Será no teatro principal da Estrada, o vindeiro mércores 23 de xuño, ás 21:00 horas. Unha noite máxica, sen dúbida.

Última toma

2010-05-30T00:36:00.006+02:00

Agora sí. Esta é a última toma que fotografamos. Máis de 150 fotos darán como resultado unhas imaxes da nai de Ahmed amasando pan. Queremos con isto amosar a súa rutina diaria.

Aquí vemos os segredos da montaxe. Se nos fixamos ben podemos apreciar un pauciño negro na saia da nai, que serve para asegurar que non se mova do sitio. Fixádevos no pó branco que foi feito raspando unha tiza, para dar maior realismo ao que está a facer.

Tivemos que facerlle tamén un corte co cúter co que poder suxeitar ben a plastilina que leva nas mans (co movemento que debe facer para amasar caía e daba moitos problemas). O resultado é satisfactorio, sobre todo se pensamos nos medios empregados.

Xa está montado o vídeo. O movemento queda bastante natural. É unha das tomas que tivemos que repetir varias veces debido á súa dificultade. Está listo por fin.

Con esta sesión rematamos o traballo fotográfico e superamos ben as 10.000 fotografías. Nin os máis optimistas podíamos pensar, no mes de outubro, que chegaríamos tan lonxe.

Agora agarda esperar a estrea e desexar que todo o equipo disfrute dos resultados.

Trucos para gravar

2010-05-30T00:19:00.006+02:00

Tivemos que recorrer a algúns "trucos" para poder fotografar. Os bonecos ás veces daban problemas para manterse en pé. Aquí podemos ver como solucionamos o problema.

A falta de presuposto, aumento de inxenio.

A verdade é que funcionou!

Maldito ordenador!

2010-05-30T00:00:00.007+02:00

Unha imaxe vale máis que mil palabras. Aquí podemos ver a desesperación de unha parte do equipo despois de comprobar como se pon en risco o traballo das últimas tres semanas. Ao final puidemos salvar parte do proxecto. Os compoñentes de postproducción están a sufrir moito.

Os ordenadores funcionan francamente mal, debemos ser moi fortes para seguir adiante.

Este é o penúltimo sábado que debemos traballar, se non rompe todo antes... Na vindeira semana teremos un proxecto enteiro. Pasamos dos 20 minutos.

O quince de xuño remata o prazo para presentarnos ó festival internacional de cine Euroárabe "Amal".

Moito ánimo a tod@s. Alí estaremos.

Suso de Toro colabora con Dairas

2010-05-25T21:59:00.006+02:00

Suso de Toro permítenos a libre utilización da canción "Hei de estar alí" do disco "Madama" de Leilía, con arranxos de Xoan porto e letra de Suso.

O noso agradecemento á colaboración do escritor.

Grazas Marga pola mediación

Gravación da BSO de Dairas nos estudios Phonos da Estrada

2010-05-25T17:48:00.003+02:00

Onte, unha parte do numeroso equipo que fai posible "Dairas", estivo gravando, baixo a dirección de María Varela, nos estudios Phonos da Estrada, o que será parte da banda sonora orixinal de Dairas, o tema "Hope There´s someone", de Anthony & The Johnsons. Isto é unha mostra do que vivimos alí:

O noso agradecemento a Valentín torrado polo seu traballo paciente e profesional.
Unha aperta Curi e moitas grazas pola túa aportación.

Leilía e Xoan Porto ceden os dereitos de un tema

2010-05-25T16:04:00.008+02:00

Mil grazas aos compañeir@s de Leilía pola súa colaboración no proxecto Dairas.

As compoñentes do grupo permiten a utilización de un tema e o arranxista Xoan Porto tamén. Só falta poñerse en contacto co autor da letra, Suso de Toro, e todo estaría redondo (xa vos contaremos). Unha vez que teñamos todo, indicaremos o nome do tema e do disco, moi fermoso por certo.

Unha aperta moi grande a todas/os

The Durruti Column, nova colaboración para a BSO de Dairas

2010-05-25T14:27:00.004+02:00

Vini Reilly e Bruce Mitchel, integrantes de The Durruti Column, acaban de comunicarnos por correo-e que nos permiten utilizar a súa música (o tema "Opera"), na B.S.O. de Dairas.

Só nos piden que lle mandemos unha ligazón para poder ver o resultado final do traballo, cousa que faremos encantados.

Dende aquí o noso agradecemento para Vini e Bruce.

Kiko Loureiro colabora con Dairas

2010-05-23T19:54:00.002+02:00

O guitarrista brasileño Kiko Loureiro vén de contestar ao noso correo, onde lle pediamos a súa autorización para usar dous dos seus temas na Banda Sonora Orixinal de Dairas: "Beautiful language" e "Choro de criança", ámbolos dous dos seu disco No Gravity (2004).

Na súa resposta, Kiko, xenerosamente, concédenos a licenza para usar a súa música na nosa BSO, e pídenos que lle mandemos unha ligazón para poder ver o resultado final.

Grazas Kiko, cando todo remate poderás ver o traballo.

Últimos retoques

2010-05-23T13:48:00.003+02:00

Despois de moito insistir Abel conseguiu poñerlle luz ao coche nunha toma nocturna.

Consiste en animar unha capa de vídeo cunha luz previa. Logo anímase o movemento da capa. O resultado está moi ben.

Por outra banda Laura e marta xa casi remataron o final da guerra, con efectos incluídos. Bo traballo!

Montaxe da escena da guerra

2010-05-19T21:16:00.004+02:00

Estamos a rematar a montaxe da escena da guerra. É bastante laborioso porque traballamos con máis de quince pistas simultáneas: imaxes, croma key, sons (disparos, bombas, avión, tanque), efectos especiais, capas de vídeo.

É importante adicarlle tempo a estos efectos porque así conseguimos un maior realismo.

Interior dunha jaima. Fonte de inspiración.

2010-05-15T17:12:00.007+02:00

Hoxe tomaronse máis de 300 fotografías (xa pasamos das 8000)

Corresponden a unha toma onde poderemos ver ao pai de Ahmed lendo un libro.

Antes de poder montar a maqueta tivemos que ver moitas fotos e vídeos propios do lugar para poder achegarnos un pouco á estética e reflectir o mellor posible as cores e as formas.

Benvida querida informática

2010-05-15T17:01:00.003+02:00

Hoxe voltamos de novo a sufrir coa parte informatizada. Todo o traballo do martes tivo que ser montado de novo.

Os ordenadores están a darnos verdadeiros problemas. Un sistema de conxelación dos ordenadores puidese ser o responsable da nosa desfeita.

Aínda así non perderemos a esperanza. Seguiremos traballando ata que poidamos conseguilo.

*Imaxe de Belgapixel en Flickr.

Gravación en árabe da Declaración dos Dereitos Humanos

2010-05-12T13:39:00.001+02:00

Imane está a ler a carta universal de dereitos humanos.

A nosa intención é que se escoite en árabe, pois a curta está ambientada no Sáhara e parécenos apropiado este detalle

Ahmed solta unha bágoa

2010-05-10T21:07:00.006+02:00

Podemos ver nesta imaxe como se está a preparar para crear unha bágoa no rostro de Ahmed.

A situación que acaba de vivir é traxica, e o noso protagonista non pode agochar a súa pena.

Precisáronse catro capas de vídeo con alpha para lograr o efecto, e dúas horas de montaxe para esa toma.

Dereitos humanos

2010-05-09T23:46:00.006+02:00

Outro dos retos aos que nos enfrentamos é facer falar ós personaxes.

Un home máis unha muller, farán lectura da carta de dereitos humanos. Un en galego e outra en árabe.

Aquí podemos ver unha captura de pantalla onde se están a marcar os parámetros dos bonecos, para que coincidan os movementos da boca co texto..

Incrible, cada vez fomos poñendo o listón un pouquiño máis alto.

Montaxe

2010-05-08T18:20:00.008+02:00

Laura pasou de efectos especiais ó montaxe final.

Despois de moito traballo cos efectos do fume...lume...e máis sorpresas...agora está a traballar na montaxe final...traballo meticuloso..pero o camiño percorrido nestes meses alimenta o esforzo final...

Marta estivo a traballar no recorte fotográfico.

Recortando cada foto que precisaba adaptar, para o croma key por exemplo...

Agora tamén está volcada na montaxe final...nesta última recta, o equipo informático estará centrado de cheo en darlle coheréncia a oito meses de traballo..perdón..de DURO TRABALLO...

Ánimo que o conseguimossss...

Abel tratará de facer voar a un avión

2010-05-08T18:09:00.006+02:00

O maxin de Abel debe traspasarse ao avión e facelo voar. Dificil reto sen dúbida.

A estas alturas xa pasamos etapas peores.

Traballando con dúas capas de vídeo e un sen fin de trucos o avión sobrevoa a zona da catástrofe.

Queda moi ben, é un efecto moi logrado e ben integrado no guión.

CONSEGUIMOS VOOOAAAARRRRRR....

Making off de Miriam e Ariadna

2010-05-08T17:39:00.009+02:00

Miriam leva días traballando no making off. Os martes tamén está Ariadna pero os sábados ten que facelo soa.

O que se pretende é mesturar imaxes do traballo coas imaxes do resultado final. Agora está moi avanzado. O resultado, sorprendente. Avanzouse moito nisto e podemos valorar máis o noso traballo repasando todo o proceso.

Hoxe fixemos unhas probas coa música de Nina Simone de fondo.

"Sinnerman". este é o tema elixido para o making off. Describe moi ben o pensamento do autor.

Non teño casa
Non teño escola
Non teño familia...
...
Teño cara
Teño pés
Teño mans..
....
A esperanza é o último que se debe perder

Retoque fotográfico

2010-05-08T17:27:00.005+02:00

O corpo de Ahmed dixo basta.

A peasares de utilizar varios modelos para o protagonista, a plastilina deteriorouse de tal maneira que agora os monecos rompen con facilidade.

Bego agora está a facer un retoque fotográfico. Consiste en reparar unhas 130 fotografías.

Co movemento do pescozo prodúcense gretas que debemos tapar. Coa plastilina é moi complicado, por iso se está a facer cun programa de retoque fotográfico. Unha por unha vaise tapando a zona que está rota. O resultado é bo, pero o traballo tamén o é.

iluminación dentro da jaima

2010-05-08T17:12:00.006+02:00

Begoña adptando un dos focos para iluminar a jaima por dentro. Hoxe a Bego tocoulle facer de comodín. Á primeira hora tivo que fotografar con Xoan a penúltima escena de Dairas...Ahmed lendo no interior.
Ó noso protagonista gústalle moito a lectura e decidiu poñernos as cousas un pouco complicadas..pero xa está...bueno, casi..

Lied de Shubert

2010-05-07T00:45:00.001+02:00

Aquí tedes o resultado do traballo no Auditorio de Vila de Cruces. A gravación desta lied de Shubert a cargo de Cesáreo Torres (tenor) e Fátima Blanco (piano). Escoitade:

Ensaio das "Voces do MGB" para Dairas

2010-05-01T11:53:00.002+02:00

Un grupo de alumnos e alumnas do MGB ensaia, baixo a batuta de María Varela, profesora de música no Centro, o tema de Anthony & The Johnsons "Hope There´s someone", co obxectivo de incluílo na BSO orixinal de Dairas. Aquí tedes unha mostra dos ensaios.

Agradecemento ó Concello de Vila de Cruces

2010-04-28T19:28:00.007+02:00

O auditorio de Vila de Cruces, foi o lugar elixido para a gravación.
O noso maior agradecemento ó Excelentísimo concello de Vila de Cruces pola amabilidade á hora de dispoñer do auditorio... piano...
O lugar é ben fermoso

Cesáreo Torres. Tenor.

2010-04-28T19:15:00.009+02:00

O Tenor Cesáreo Torres Deixounos moi bo sabor de boca coa súa interpretación. Cada toma de son era matizada de forma meticulosa, para que teñamos máis posibilidades á hora de escoller o mellor para Dairas.

É moi importante para Dairas contar con esta interpretación De Cesáreo e Fátima. Realza os valores da música ao vivo e pon de manifesto a entrega e adicación dos seus intérpretes.

A experiencia foi moi positiva...

Grazas de novo Cesáreo

Técnico de son.

2010-04-28T19:09:00.005+02:00

Miguel Novás, técnico de son da radio galega. Foi o responsable de inmortalizar o momento tan fermoso que poidemos vivir esta tarde. Estivo moi atento e amable no seu traballo. Sempre disposto a facer unha nova toma si fora necesario...moitas grazas Miguel

Fátima Blanco ó piano

2010-04-28T18:53:00.004+02:00

Fátima estivo fantástica na gravación do lied de Shubert "Mio ben ricordati "
Os nervios estiveron en lugar seguro e baixo control. O colín utilizado soaba moi ben... a única pega era o pedal de sustain que se escoitaba un pouco. Fátima tivo que improvisar a solución...pisar con moito coidado para que non saíra na gravación. Foron sete tomas das cales cinco son perfectamente válidas. agora só queda elixir a mellor interpretación. A compenetración entre o tenor Cesáreo e Fátima foi estupenda...o resultado...sorprendente.

Interior jaima

2010-04-28T12:34:00.006+02:00

Esta é a maqueta do interior da jaima. o equipo traballou duro para que todo estivera listo a tempo. Agora tomaremos as fotos do interior para amosar unha parte importante na curta. A vida no interior da " casa " de Ahmed, e as súas rutinas...

Xoan destapa a jaima para que poidamos ver como se vai utilizar ese recurso no fotografado do interior.

Jaima principal

2010-04-28T12:24:00.003+02:00

Esta é unha fotografía da jaima principal. Un alumno está a dar os últimos retoques...preparando todo para a última toma

Ensaio de Fátima Blanco e Cesáreo Torres

2010-04-27T21:52:00.001+02:00

" Hai momentos nas nosas vidas que quedarán para sempre na pequena materia gris....este sen dúbida é un deles. Foi tan fermoso poder ensaiar o lied de Shubert, con Fátima e Cesáreo, que só por iso xa pagou o esforzo "
O son do vídeo, é o propio da cámara. Imaxinade o resultado final con unha toma profesional...espero que o vexamos pronto...
Unha aperta moi grande a César e Fátima.
" Miguel Carbajal "

Fátima Blanco e Cesáreo Torres ensaian en Vila de Cruces.

2010-04-24T18:56:00.007+02:00

Fátima Blanco acompañando a Cesareo Torres, nun ensaio no auditorio de Vila de Cruces.Cesareo e Fátima ultiman os detalles na interpretación do lied de Shubert, Mio Ben Ricordati. O vindeiro mércores faremos a toma de son coa unidade móbil da RTVG. Soa moi ben...o compromiso de Cesareo e Fátima anticipa o resultado

Ensaiando con Cesáreo Torres.

2010-04-24T18:46:00.005+02:00

Sempre é un pracer poder escoitar en directo ó tenor Cesareo Torres.
Grazas amigo César pola túa aportación tan sensible ó proxecto Dairas.

Poesía e música en Dairas (Correo Galego)

2010-04-07T14:22:00.002+02:00

Poesía y canción lírica para el corto "Dairas"

El espíritu artístico y sobre todo solidario del proyecto Dairas, una iniciativa audiovisual de los alumnos del instituto estradense Manuel García Barros, que crearán un corto de animación en plastilina a fin de recaudar fondos para los poblados del Sáhara, suscita apoyos a medida que se da a conocer.

Los últimos en unirse al proyecto han sido el poeta ouzandés Manuel Pereira y el tenor lírico Cesáreo Torres. El primero cederá una adaptación de un poema propio para el cortometraje, un texto lírico publicado originalmente en su libro Todo morte. Asimismo pondrá la voz en off a dicho poema, que se unirá al argumento del corto.

En cuanto al tenor Cesáreo Torres, de Vila de Cruces, pondrá su voz a un lied de Shubert, acompañado por la pianista Fátima Blanco, alumna de primer curso de bachillerato del instituto Manuel García Barros.

La toma de sonido se realizará el próximo 26 de abril en el auditorio de Vila de Cruces y un equipo técnico de la Radio Galega será el encargado de realizar la grabación. El lied de Schubert Mio ben ricordati será empleado también en el desarrollo argumental del corto.

Los escolares estradenses estrenarán su creación en junio. Dairas está marcado por un fuerte componente social; su director, el profesor Miguel Carbajal, trabajó especialmente la documentación

A poesía e a música en Dairas (A voz de Galicia)

2010-04-07T12:26:00.005+02:00

El poeta Manuel Pereira y el tenor Cesáreo Torres colaborarán en el corto «Dairas»

La Voz de Galicia

Fecha de publicación:

El corto de animación en plastilina Dairas , promovido por el Taller de creación artística del instituto estradense Manuel García Barros, continúa cosechando colaboraciones altruistas. La cinta, que será presentada en diversos puntos de Galicia con el fin de recaudar fondos para los saharauis refugiados en los campamentos de Tinduf, contará con las aportaciones artísticas del poeta ouzandés Manuel Pereira Valcárcel y el tenor lírico César Torres.

El poeta cederá la adaptación de uno de los poemas de su obra Todo morte . Pondrá además la voz en off a la composición que se empleará en el corto.

Por su parte, el tenor César Torres, de Vila de Cruces, pondrá voz al lied de Schubert Mio ben ricordati , acompañado al piano por la intérprete Fátima Blanco, alumna de primer curso de bachillerato del IES García Barros. La toma de sonido se realizará el próximo día 26 en el auditorio de Vila de Cruces. Un equipo técnico de la Radio Galega será el encargado de la grabación.

«Dairas» es el nombre que reciben los pequeños núcleos de población en los que viven los refugiados saharauis de la zona de Tinduf (Argelia). El corto, realizado mediante la técnica conocida como stop motion , cuenta la historia de Ahmed, un niño saharaui que vive en uno de esos campamentos.

Los promotores han tomado ya 7.000 de las fotografías que darán vida a los personajes de un corto que esperan presentar en junio.

Colaboración de Manuel Pereira en "Dairas"

2010-04-05T23:32:00.002+02:00

Manuel Pereira Valcárcel (Ouzande-A Estrada), reside en Madrid, onde traballa de mestre. Colabora habitualmente en distintos medios de prensa escrita: Encrucillada, Luzes de Galiza, A freita, Tabeirós terra, O Correo Galego, Carreiros...

Como poeta, ten publicado: "Poemas de cinza" (Madrid 1990), "Todo morte" (Neda - A Coruña, 1998), "Rosa íntima" (A Coruña, 2000), "Inventario de fragmentos" (Santiago de Compostela, 2001), co que conseguiu o premio Rosalía de Castro da Casa de Galicia de Córdoba, e "Libro das viaxes" (Pontevedra, 2003). En prosa publicou "Traxectos curtos" (Santa Comba, 2005).

Aquí podemos ver e escoitar o poeta recitando un poema do seu libro "Todo morte, Ediciós do Castro" adaptado especialmente para utilizar na nosa curtametraxe.

Grazas Manolo, polo poema e pola túa aportación ó proxecto.

Iluminación da toma da fogueira

2010-04-02T12:58:00.006+02:00

Aquí pódese ver mellor como tivemos que iluminar para a toma da fogueira.

O foco que aparece diante dos bonecos ten un papel de aluminio para rebaixar a luz. Despois de cada foto íamolo movendo para lograr as sombras.

Logo poñerémoslle lume cun programa de efectos.

Con isto queda rematado o traballo de Semana Santa. Dedicaremos o día de mañá a recoller todo o material que xa non volveremos utilizar.

Empaquetaremos ben os monecos, as casas, as jaimas...

Para a presentación será bonito montar unha pequena maqueta á entrada do teatro.

Xa está cerquiña.

Á luz da fogueira

2010-04-02T12:48:00.005+02:00

Nesta toma filmamos a unhas persoas á luz da fogueira.

Custou bastante, pero conseguímolo de novo.

Fixemos varias probas porque queremos que a luz da fogueira reflicta nos corpos das persoas.

Con cada foto imos cambiando o foco, para darlle movemento ás sombras. Precisamos de 250 fotos para acadar o efecto que precisamos.

Iluminación nocturna

2010-04-01T21:10:00.001+02:00

Este é o resultado das tomas nocturnas.

Sesión de tarde. Iluminación nocturna.

2010-04-01T20:55:00.004+02:00

Isto que vedes na imaxe é a iluminación para as tomas nocturnas.

Tivemos que aventurarnos un pouco, pero quedou ben (o maldito foco quería xogarnos malas pasadas, por iso tivemos que recorrer aos alicates que se ve na foto )

Con case 400 fotos máis, agora só queda unha toma nocturna e os interiores da Jaima de Ahmed.

Parece incrible o que dá de si a Semana Santa...

Fotografando a escola

2010-04-01T17:14:00.003+02:00

Isto forma parte da rodaxe da escola. 434 fotos darán como resultado uns 40 segundos. Nun primeiro momento tiñamos previsto fotografar unhas 700, pero non puido ser. A rodaxe é moi complicada e debemos saber adaptarnos ás circunstancias.

O resultado é moi satisfactorio e penso que a idea estará igualmente reflectida.

Agora centramos os nosos esforzos na penúltima montaña na rodaxe: as tomas nocturnas.

Xa vos contarei...

A luz da escola

2010-04-01T17:05:00.004+02:00

Isto é a vista dende fóra, do escenario e iluminación da escola.

Pódese apreciar o foco de luz a través das fiestras e mais unha pantalla por enriba para mellorar a iluminación.

Grazas unha vez máis a Xoque pola colocación da luz e polo material.

Escenas do hospital

2010-03-31T22:10:00.005+02:00

Rematamos.

Hoxe tiñamos previsto rematar as tomas exteriores e así foi.

Pola mañá puidemos rematar unha toma onde vimos a Ahmed e ó seu amigo nunha situación extremadamente grave.

Contamos con dúas persoas de modelaxe e, grazas a elas, avanzamos un pouco máis do previsto.

Xa pola tarde comezamos coas tomas do hospital. A parte máis lenta son os preparativos. Xoque colocou de novo a luz para adecuala a un interior dun hospital no deserto. O resultado é fantástico.

A iluminación chega só dende fóra, a través das fiestras, e as imaxes son moi fermosas.

En total fixemos nas dúas sesións unhas 470 fotos.

Mañá tócalle á escola. A iluminar de novo.

A avantaxe que temos agora é que non traballamos na area e aínda que caia unha personaxe non se mancha.

Tamén estivemos repasando todos os vídeos. É posible que teñamos que repetir unha toma dunhas 350 fotos, porque foi cando se avariou a cámara e nótase bastante o cambio.

Isto é como unha carreira de fondo. Primeiro comezas moi forte, logo o traxecto aburrido, km tras km.

Ao final sempre faltan forzas, pero como coñecemos a sensación, sabemos que se as forzas menguan é que a meta está cerca.

Ahmed cobra vida

2010-03-30T21:14:00.005+02:00

Estamos cada vez máis cerca de rematar as tomas exteriores.

Hoxe fotografamos catro tomas de dúas escenas diferentes. En total 1046 fotos.

A toma máis complexa foi aquela en que utilizamos varios personaxes á vez. Tiveron que facer movementos coordinados nunha especie de xogos rítmicos. A area non está a ser a nosa aliada. Cada vez que cae un personaxe temos que limpalo ben e volver ó paso anterior. Engádese tamén os pequenos movementos da area en canto pousamos unha man para fotografar.

Tamén puidemos darlle vida ó noso neno protagonista lendo no seu querido libro.

Ahmed é un neno que quere saír do inferno en que está a vivir e sabe que a súa saída é o estudo.

Ten unha boa influencia, porque o seu pai é unha persoa moi estudosa e gústalle moito a lectura. Por desgraza a nai ten bastante traballo coas tarefas familiares. Asemade forma parte do comité de reparto de alimentos dunha daira.

Ahmed está a punto de tomar unha decisión que será fundamental para a súa vida.

Fotografando de novo

2010-03-29T21:27:00.004+02:00

De novo estamos avanzando bastante. Despois do mal trago do sábado, poidemos comezar a fotografar con outra cámara, a Olympus do Centro.

Ao principio as fotos saían cunha calidade moi inferior, pero Xoque botounos outra manciña.

Tivo que retocar a luz, e iso que xa falamos algunha vez sobre o balanzo de brancos.

Un dos maiores inconvenientes desta cámara é o enfoque. Na que estabamos a utilizar, podiamos enfocar dende máis cerca. Con esta, temos un enfoque mínimo máis lonxe. Agora teremos que recortar os vídeos unha vez montados, para achegar o enfoque a onde queremos. Un pouco de traballo engadido.

Hoxe fotografamos un dos momentos sensibles da curta, Ahmed e o seu pai fonden nun emotivo abrazo...

A cámara dixo basta!

2010-03-27T20:11:00.005+01:00

Hoxe é un día un pouco especial. Por unha banda moi positivo e por outra para esquecer.

Pola mañá todo foi moi ben, o grupo de maqueta e plastilina traballou moi, moi duro, e conseguíu avanzar moito. O equipo de montaxe tamén avanzou bastante, no retoque de fotografías, efectos especiais e cromakey. Xa conseguimos poñer a voz do noso compañeiro Arturo ao seu personaxe e pinta bastante ben a cousa.

O equipo de rodaxe, no cal estaba eu precisamente, tamén traballou ben pola mañá. Como temos gañas de ver o traballo avanzado decidimos seguir pola tarde coa rodaxe.

Este é o momento máis amargo. Despois de levar 470 fotos, que está moi ben, a cámara dixo que non seguía traballando. Nun primeiro momento pensamos que sería cuestión de pilas ou algo así. Despois de comprobar todo, decidín chamar a Xoque para ver se ao xefe tamén se lle resistía.

Tardou ben pouco en desmantelar a cámara e comprobar que o espello interno rompeu: demasiado traballo.

Agora teremos que continuar o luns coa cámara do insti, porque a de Xoque tardará máis de unha semana en ser reparada. Aínda por riba estamos en semana santa....

En fin, debemos seguir traballando moi duro para poder rematar no prazo que nos fixamos. Hai que ter moita confianza no proxecto e pensar que ós protagonistas de Dairas non lles molesta que rompa unha cámara de fotos, o que máis lles molesta e pasar fame, calor, sufrimento...

Iso si que son problemas

Traballo do martes 23 de marzo

2010-03-24T18:43:00.010+01:00

A día de hoxe, os traballos están bastante avanzados. Grazas ó empeño de todo o equipo e á ilusión que está a poñer no proxecto, todo comeza a tomar forma. Xoán, co seu equipo de maqueta e modelaxe teñen un gran reto por diante. A nosa intención é fotografar na semana santa cinco ou seis escenas...unhas 3000 fotografías. Se o traballo de maqueta non estivese listo, a rodaxe retardaríase moito. Non é por presionar... je..je

As cousas están a saír ben.

Hoxe recibimos a confirmación por parte do tenor César Torres da súa participación ( coñecín a César hai anos, tocando xuntos e será un pracer estar xuntos de novo ) . Cantará un lied de Schubert acompañado da alumna Fátima Blanco ó piano.

Esta peza será gravada no auditorio de Vila de Cruces o vindeiro 26 de abril. Empregarémola nun dos momentos máis sensibles da curta.

Ánimo a tod@s nesta recta final. Todas as enerxías deben estar na mesma dirección. Estamos cada vez máis cerca do noso soño.

Ímolo conseguir

Dairas na "escola" do Faro de Vigo

2010-03-09T18:34:00.002+01:00

Hoxe saíu publicado no suplemento do Faro de Vigo "A escola do faro" unha reportaxe sobre o noso traballo. Aquí tedes o arquivo en *.pdf

Construcción da maqueta da escola e hospital

2010-03-05T22:07:00.005+01:00

Este é un dos pasos máis importantes en canto á creación da maqueta. Os alumnos están a construír o que vai ser o interior da escola e un hospital, e tamén a jaima principal, onde vive o noso protagonista.

Podemos ver as mesas de cartón, que aínda están sen pintar. Deben ser reparadas, porque están un pouco baixas para os monecos de plastilina que temos. Na vindeira semana estarán rematadas e poderemos comezar a fotografar as tomas da escola.

A partir da vindeira semana tamén traballaremos os sábados pola mañá, porque agora precisamos moitas horas para fotografar.

Dairas en EstradaTelevisión

2010-03-01T13:58:00.003+01:00

Emisión do xoves 25 de febreiro de 2010 en EstradaTelevisión.

Rolda de prensa

2010-02-26T11:47:00.000+01:00

Onte xoves día 25 de febreiro, na sala de Xuntas do Concello da Estrada, tivo lugar unha rolda de prensa para dar a coñecer os avances no noso traballo.

Hoxe saen na prensa varios artigos. Podes lelos dende aquí:

Plastilina para una historia de carne y hueso (Faro de Vigo, 26/02/2010)
"Dairas": una historia de solidaridad y plastilina desde el aula estradense (El Correo Gallego, 26/02/2010)
El corto de animación "Dairas" se exhibirá en toda Galicia para recaudar fondos para el Sahara (Voz de Galicia, 26/02/2010)

Problemas coa temperatura de cor

2010-02-05T23:16:00.000+01:00

Esta semana tivemos algúns problemas serios coas fotografías. Según nos explicou Xoque Carbajal, isto foi debido á temperatura de cor e balance de brancos. Explicounos que a cor non é a mesma a pequenas distancias do foco de luz. Unha das cámaras que utilizamos estaba en modo automático e por iso tivemos esas diferencias de cor. Afortunadamente Xoque decidiu axudarnos de novo e conseguiu reparalas moi ben. Case trescentas fotografías tiveron que ser retocadas. De tódolos xeitos a experiencia serviu para aprender algo máis sobre fotografía. Agora traballamos coas cámaras en posición manual e poñémoslle os parámetros que precisamos, para non sufrir estos sustos.

Prisión de acero

2010-02-05T23:13:00.001+01:00

Isto é o primeiro traballo de Veru (Mr. Misto films), o formador do curso que estamos a recibir. Non só fixo a animación senón que tamén fixo a música.

Guión Técnico escena 1: montaxe e sons (2)

2010-01-31T11:24:00.005+01:00

Isto é unha guía para o grupo de traballo de montaxe.O mesmo que guión técnico: montaxe e sons ( 1 )

Guión Técnico escena 1: montaxe e sons (1)

2010-01-31T11:22:00.005+01:00

Isto é unha guía para o grupo de traballo de montaxe.
CARTA INTERNACIONAL DEREITOS HUMANOS No principio ( foto deserto zum... )
Debe servir como idea orientativa, pero o máis importante é, a imaxinación.
Facer probas.
Mirar o resultado dende o punto de vista de un espectador.
Ser críticos co traballo.
Aceptar un resultado adecuado aos medios empregados
Ánimo, moito empeño e ilusión

"El hospital", por Abel

2010-01-29T11:52:00.005+01:00

Aquí temos un novo exercicio de stop motion con figuras de plastilina. Fixémonos nos movementos da cámara: planos medios, primeiros planos, etc, e tamén, como non, nos efectos especias do eletrocutamento...
Un dos avances máis salientables son os efectos das sombras do personaxe principal e, os efectos de luz sobre o "enfermo" . Hai que fixarse ben porque despois da descarga podemos apreciar o resultado das queimaduras...
Tamén destacaría a iluminación do fondo no momento da descarga. Utiliza un foco de man que vai cambiando en cada toma. Isto produce un efecto de iluminación por parte do desfibrilador...
Pois..a seguir traballando que isto promete

Guión técnico escena I

2010-01-29T11:40:00.001+01:00

Isto é o guión técnico da última toma na primeira escena.
Reflicte o final de unha batalla. A imaxe debe ser desoladora.
Sensación de desacougo... fume... lume... ausencia... morte...

Guión técnico escena III

2010-01-28T22:36:00.004+01:00

Ahmed chega ó campamento.
Ten cinco anos. A primeira imaxe é deprimente.
Atópase de cheo coa Jaima, onde pasará o resto da súa vida.
Confusión nos seus pensamentos.
Frío..medo...fame...frustración

Guión técnico escena 2

2010-01-28T22:35:00.002+01:00

Ahmed é atopado no medio da desolación.
Uns soldados trasládano a un campamento de refuxiados

Lullabye, por Laura

2010-01-25T11:27:00.001+01:00

Dentro dos exercicios e probas que estamos a facer coa técnica do stop motion, este é o traballo de Laura Carrillo, Lullabye.

Eu destacaría a animación con debuxos do final. Creo que deberiamos experimentar máis con esta técnica, non vos parece?

Visita de José Miguel, de Mr. Misto Films

2010-01-21T22:52:00.005+01:00

O pasado mércores recibimos a visita de Jose Miguel, do departamento de Formación da Produtora Mr. Misto Films. Grazas ás súas explicacións puidemos adentrarnos nos segredos da técnica de animación coñecida como stop motion, e visualizar algúns dos vídeos dos pioneiros do xénero, como Ray Harryhausen.
A visita de José Miguel ( Veru ) foi moi positiva para o grupo. Quizais debido á súa experiencia como formador, puido transmitirnos a ilusión para seguir a traballar nun proxecto tan laborioso. Coñecedor dos atrancos e dificultades técnicas que supón a técnica de stop motion, envorcouse nas cousas positivas e destacou en todo momento que o máis importante é a imaxinación.
Isto é precisamente un dos aspectos máis salientables do noso traballo " adestrar a imaxinación "
Grazas Veru, polo teu apoio e coñecementos compartidos.